A praia do Guincho.

Aquí estou de novo, despois dunha semaniña de vacacións pola costa portuguesa!!
Navegastes moito por aquí??
Eu a pesar de que levei as cometas e as ganas non naveguei moito; ó principio das vacacións apenas houbo vento e ó final, xa na zona de Cascais, o vento levaba a rabia (sobrábame algún metro de cometa). En Cascais estiven na praia do Guincho, navegando xunto unha morea de windsurfistas, cos kiters locais e cos do team Wainman.
Botádelle un vistazo ás fotos, non teñen desperdicio. Ainda que o vento ese día estaba bastante racheado, as olas eran bastante boas.
Pode ser un spot a considerar para facer unha escapadinha no futuro.
A ver cando quedamos para navegar, que xa vos botaba de menos.

Hai dous veráns estiven en guincho e metinme tódolos días, cunhas olas que metían medo e un ventarrón de la leche, o único malo era que se pousaba unha nube na montaña e poucas veces viámolo sol. ë un sitio recomendable, pero Portugal é todo así, o pasado verán estiven en Figueira da Foz, máis ó sur, e tamén está de cine.